Enti Hidrometeorologjik ka bërë të ditur se temperatura të ulta janë regjistruar mëngjesin e sotëm dhe gjatë natës në Maqedoni.
Temperatura më e ulët -15 ka qenë sot në mëngjes në Kodrën e Diellit, -12 në Mavrovë dhe Krushevë.
Temperatura nën zero ka pasur edhe në disa vende tjera.
Trashësia e borës në Mavrovë ka arritur 56 centimetra, në Krushevë 26, Manastir 24 cm si dhe në vendbanime tjera.
Moti sot në mbarë vendin do të jetë i ndryshueshëm dhe i ftohtë, me erë të fortë.
Në disa zona do të ketë edhe reshje bore.
Temperaturat do të jenë prej -6 deri -1 gradë.
